معشوقتي الزووم ونهايتها المؤلمه

11 25

لايمكنك التصويت حتى الحصول على 20 نقطة على الأقل
إضغط هنا للإخفاء

على الوعد دايمن ماتغير -38
قبل 8 سنه و 6 شهر

السلام عليكم 




مساء /صباح الخير على الجميع 




موضوعي اليوم تجربتي مع المازدا 2014 استاندر 




الموضوع قديم سبق ونزلته زمان 




لكن مايمنع الاعاده عشان بعض الشباب الي ماشاف الموضوع القديم يشوف هذا ويستفيد منه ولان بصراحه شفت مواضيع عنها في المنتدى لكن ماكانت 
حياديه 
انااطرح الموضوع وصدقا مايهمني اذاالسلبيات اكثر اواقل
مانزل الموضوع واطبل للسياره لاني ماني مستفيد شي ولهو داخل جيبي ريال واحد . هذا اولا




 راح اتكلم عن السياره باسهاب 




الموتر من اصلب السيارات تحملا مرت علي مشيت فيها 110الف في سنتين 
وسافرت عليها كثير 




مايميز السياره ثباتها واعتبرها من اثبت السيارات في فئتها 
رغم احيانا تحس بثقل في المقدمه مع المنعطفات لان الوزن مركز بالامام 
والمكينه جايه فوق المحور الامامي لكن تضل ثابته 
حتى مع الملفات القويه وعند الفرمله الطارئه تضل السياره متماسكه في خط مستقيم 
والي يساعد فراملها القير عند الفرمله القويه السياره تسوي داون شفت 
حتى تكبح العزم مثلها مثل السيارات الالمانيه




من المميزات الاخرى وسأل السلامه 6ايرباجات كامله وتركشن كنترول وabs
هذي ميزه قويه مافي سياره بسعر 66الف تعطيك ايرباجات كامله حتى الصينيه والكوريه ماسوتها للان  وهذي تعتبر قيمه اضافيه عليها
زد انها صناعه وتجميع في اليابان بالكامل لعشاق السيارات اليابانيه 




من ناحية المشاكل ماوجهتني مشاكل الحمدلله فنيه ابدا 
السعه الداخليه جيده جدا يعيب عليها قساوة المقاعد بعض الشي 
نظام التعليق مريح لكن في المطبات قاسيه بعض الشي 




التكييف بارد جدا في اعلى درجات الحراره




السلبيه الوحيده للاسف العزل 
يوجد صوت هواء تنسيم في باب السائق   لكن غير مزعج ماعدا ذللك جيد حتى العزل الارضي جيد جدا وافضل من السيارات الكوريه الصغيره




موديل 2014 من سلبياته ثقل في قومة السياره والعزم موذاك الزود لك عليه السياره 2.0 سي سي 
لكن موديل 2015 حلوالمشكله وركبومكينة الفل على الاستندر 2.5سي سي
188حصان تقريبا




ماعدا ذللك السياره ممتازه جدا بالنسبه لقيمتها
قطع الغيار استغرب من ترديد الاشاعات انها غاليه 
بالعكس رخيصه وبنفس مستوى اسعار السيارات الكوريه 




الاشياء الي غيرتها اثناء استخدامي للسياره 
قزاز امامي اصلي من الوكاله 1250ريال مع التركيب
الفحمات الاماميه 300ريال
الخلفيه 221ريال
قزاز خلفي جانبي المثلث مع الفريم 150ريال
شمعه اماميه الواحده 600ريال
فلتر قير 90ريال
بواجي راديوم عمرها طويل 300ريال
احيانا تنزل عروض على بعض القطع في الشهر انصح كل واحد يسال الوكاله عن العروض لانها خياليه 
مره  اشتريت هوب على العرض طلع علي 170ريال اظن سعر رخيص جدا
لان الهوبات اسعارها في بعض السيارات الثانيه يوصل 450ريال 




السياره اجملا قطعها رخيصه وهذي معلومه اكيده  100/100 وعن تجربه 
لااحد يتوجس من موظوع قطع الغيار




اخيرا السياره بعتها قبل 4شهور وللاسف بعد شهرين انحرقت السياره بالكامل اتفحمت 
دعواتكم لراعي السياره  عسى الله يعوضه بافضل منها 




والسلام عليكم ورحمة الله وبركاته ،،،

إبلاغ

الردود